「筍工」可遇不可求。有網民於社交網分享指，遇到一位獵頭公司經紀邀請他轉工並協助面試，惟在有過程中竟發現樓主原公司褔利更吸引，經紀隨即落力幫該網民向新公司爭取更好的條件，待其離職後即應徵職位，帖文引起網民熱論。
該網民於Facebook專頁「辦公室日報」投稿指，早前有獵頭公司經紀主動邀請他轉工，經過兩輪面試後，樓主亦順利獲新公司取錄，惟福利卻「差過自己而家間公司」，令他有點猶豫，逐向經紀商討。
經紀聞言樓主原公司褔利亦感心動
樓主向經紀透露指，原公司福利為「21⽇大假、雙糧、花紅保證唔會少過1.5個⽉糧」、「同強積⾦呢啲基本嘢就唔講喇，另外免費洗牙，生⽇有假，撞正紅⽇會補返」，更指在疫情前每年公司都會舉辦團體旅行，「去過東京、北海道、⾸爾、新加坡，包晒機票酒店同埋三餐， 咁你買嘢就梗係⾃費啦」。
經紀聞言亦感心動，並直言「想去你公司做，你估得唔得？我未⾒過有咁好嘅公司福利呀！」，其後更努力替樓主向新公司爭取更好的條件，最後福利仍沒有原公司優勝，除了大假差幾日，亦沒有旅遊等褔利，但新公司出手較高，薪金較本來的薪金高出25%。樓主在思量後，認為原公司的工作量太重，且「⼈⼤咗之後，始終近⾝錢實際啲」，最後決定轉到新公司發展。
樓主表示，轉到新公司後月薪絕對滿意，而該獵頭公司經紀亦有到其舊公司見工，樓主亦坦言自己有「幫口」，但最終都沒有聘請他，「呢樣我控制唔到，真係唔好意思，先『轉』為敬」。
帖文引起網民熱論，有網民認同樓主的決定，「人工同福利都係可遇不可求！ 不過人工緊要啲」、「人工最實際，福利幾好都未必用到，除非有房屋資助之類一定會用到嘅先實際」、「福利呢啲野真係唔夠錢實際」，亦有網民笑言，「小朋友先做選擇，我人工同福利都要」。
資料來源：辦公室日報 / 星島日報
| 平日兼職店務員 | Wan Kee Group 允記集團 | 13 May 2025 | |
| 見習收銀員 / 見習店務助理 | Wan Kee Group 允記集團 | 13 May 2025 | |
| 店務主任 | Wan Kee Group 允記集團 | 13 May 2025 | |
| 管事主任 | Bakehouse | 12 May 2025 | |
| 鐘錶銷售員 ( 全職/兼職 ) | 威尼斯商貿有限公司 | 28 Apr 2025 |
Email: advertising@jobmarket.com.hk
Email: enquiry@jobmarket.com.hk
